Հետաքրքիր փաստեր ամբողջ աշխարհի երեխաների մասին

10/07/2018

1. Կորեայում երեխայի տարիքը հաշվվում է սկսած ներարգանդային շրջանից: Այդ է պատճառը, որ կորեացի երեխաները փաստացի մեկ տարով մեծ են այլ երկրների իրենց հասակակից երեխաներից, չնայած ֆիզիկական ոչ մի տարբերություն տարիքում չկա:

2. Պլաստմասսայի մեջ, որից պատրաստված են «Լեգո» խաղալիքի դետալները, հատուկ նյութ է ավելացվում, որը հստակ տեսանելի է ռենտգենյան լուսանկարներում: Սա արվում է հատկապես այն դեպքերի համար, երբ երեխան պատահաբար խաղալիքի մի կտոր է կուլ տալիս:

3. Եթե մայրն ունի արյան I խումբ, իսկ հայրը` II, եւ երեխան ծնվել է III խմբի արյունով, ապա դա չի նշանակում, որ նա այլ հորից է: Երեխայի արյան խումբը որոշվում է ծնողներից որեւէ մեկի արյան խմբով, կամ հավասար է նրանց արյան խմբերի գումարին:

4. Գերբնակեցված լինելու պատճառով Չինաստանում ընտանիքներին արգելվել է ունենալ մեկից ավելի երեխա: Ուստի շատ չինական զույգեր, առաջնորդվելով «եթե մեկ երեխա, ապա` տղա» սկզբունքով, ընդհատում էին հղիությունը, եթե ուլտրաձայնային հետազոտությունը ցույց էր տալիս աղջիկ: Արդյունքում, Չինաստանում այսօր կանանց աղետալի պակաս կա` 20 միլիոնով պակաս, քան տղամարդիկ:

5. Աշխարհում ամենաշատ երեխաներն ունի Մարոկկոյի սուլթան Իսմայիլը: Նա, որպես իսկական հայր, դաստիարակում է իր 548 տղաներին եւ 340 աղջիկներին: Նրա բազմանդամ հարեմում յուրաքանչյուր 20 օրը մեկ ծնվել է մեկ երեխա:

6. Նորածին երեխան կարող է տեսնել կանաչ եւ կարմիր գույները, իսկ կապույտ գույնը` դեռ ոչ:

7. Ըստ վիճակագրության` 3-4 տարեկան երեխաներն օրական արտասանում են 12000 բառ եւ տալիս են 900 հարց:

8. Արաբական երկրներում խիստ տարածված է ուղտերի մրցավազքը: Իսկ որպես ժոկեյ սովորաբար օգտագործում են երեքից չորս տարեկան երեխաներին: Նրանց նստեցնում են ուղտի մեջքին, եւ ուղտն ինքն իրեն վազում է: Պատճառն այն է, որ երեխաներն ավելի թեթեւ են, քան մեծահասակները, բացի այդ, նրանք վախից բարձրաձայն լաց են լինում, որն էլ առաջ է մղում ուղտերին:

9. «Ընտանեկան ջերմություն» ասվածը լիովին կարելի է արտահայտել թվերով: Երկու մեծահասակներից եւ երկու երեխաներից բաղկացած ընտանիքը տարեկան արտադրում է 1300 կՎտ/ժամ ջերմային էներգիա:

10. Հնագետների կողմից ամենահին խաղալիքը, որը 3000 տարվա պատմություն ունի, հայտնաբերվել է հնագույն Պարսկաստանի տարածքում եւ այժմ պահվում է Լուվրում:

11. Ինդիգո երեխաներ եղել են միշտ եւ բոլոր քաղաքակրթությունների ժամանակ: Այսպիսի երեխաները համարվում էին հանճարներ կամ էլ մոլեռանդներ: Մոցարտը, Լեոնարդո դա Վինչին եւ Լոմոնոսովը տիպիկ ինդիգոներ են եղել:

12. Վերջերս ԱՄՆ-ում մոդայիկ է դարձել երեխաներին կոչել հայտնի ապրանքանիշերի անուններով: Ամենից շատ գրանցվել են աղջիկներ «Շանել», «Արմանի», «Դիոր» անուններով, եւ տղաներ` «Nike», «BMW», «Reebok» անուններով:

13. ԵՄ չափանիշների համաձայն՝ որպեսզի երեխան փորձի պոկել թավշե խաղալիքի գլուխը, պետք է գործադրի ձեռքերի 10 կիլոգրամանոց ուժ:

14. 20-րդ դարում մահապատժի ենթարկված ամենաերիտասարդ ամերիկացին 14-ամյա սեւամորթ Ջորջ Ստիննին էր, որին ձերբակալել էին 1944 թվականին երկու սպիտակամորթ աղջիկների սպանության կասկածանքով: Ստանդարտ էլեկտրական աթոռը նրա համար շատ մեծ էր, եւ որպեսզի նրան բարձրացնեին, նրա տակ դրել էին Աստվածաշունչը, որը նա իր հետ տարել էր բանտախուց:

15. Ծննդաբերությունների քանակով ռեկորդ սահմանած կինը եղել է ռուս գյուղացի Ֆյոդոր Վասիլեւի կինը, ով կարողացել է լույս աշխարհ բերել 69 երեխայի: Այս փաստն արձանագրվել է մոտ 200 տարի առաջ: Ընդ որում, կինը ծննդաբերել է 27 անգամ` 16 երկվորյակներ (համաշխարհային ռեկորդ), 7 եռյակ, 4 քառյակ: Ողջ են մնացել 67-ը:

16. Իտալացի գիտնականները կարծում են, որ Եվրոպայում տղա երեխաների բեղմնավորման լավագույն ժամանակը աշունն է: Նրանք բացատրում են, որ օդի ջերմաստիճանը եւ արեւը տարվա այս ժամանակաշրջանում օգնում են Y սերմնաբջիջներին հասնել օպտիմալ կոնցենտրացիայի:

17. Բազմաթիվ մանկաբույժների կարծիքով, ի տարբերություն արհեստական սնուցում ստացած երեխաների, կրծքի կաթով կերակրված երեխաներն ավելի պատրաստակամորեն են ընդունում բազմազան այլ սննդամթերքներ, երբ նրանց կտրում են կրծքի կաթից: Սա տեղի է ունենում այն պատճառով, որ կրծքի կաթի համը լինում է տարբեր, մինչդեռ արհեստական սնուցում ստացած երեխաների կաթը միշտ ունենում է նույն համը: