Կարևոր արտահայտություններ, որ պետք է երեխային հաճախ ասել

23/12/2016

Դուք հաճա՞խ եք երեխային ասում, որ սիրում եք նրան։ Հաճա՞խ եք ցույց տալիս ձեր սերը նրա հանդեպ․ հոգեբաններն ասում են, որ երեխաներին անհրաժեշտ է անսահման սիրել, և այդ ժամանակ դաստիարակման խնդիրները ձեզ չեն անհանգստացնի։ Այս հոդվածում ձեզ ենք ներկայացնում 6 ամենակարևոր արտահայտությունները, որոնք պետք է ասեք ձեր փոքրիկներին։

1. «Ես քեզ հավատում եմ»

Այս արտահայտությունն ունի կախարդական ներգործություն ոչ միայն երեխայի, այլ նաև մեծահասակաների վրա։ Սակայն անհրաժեշտ է իսկապես հավատալ, ոչ թե ուղղակի արտասանել այս բառերը։ Երբ մենք հավատում ենք մարդուն և նրան ասում այդ մասին, մենք նրանց ուղղորդում ենք հաջողության։ Մեր հավատով մենք կարծես ավելացնում ենք նրանց ուժերը և մոտիվացիան։

2. «Ցանկացած իրավճակից ելք կա»

Եթե մենք երեխային սովորեցնում ենք երբեք չհանձնվել, ամեն գործ իր ավարտին հասցնել, ելքեր փնտրել այնքան ժամանակ, մինչև գտնվեն, բաց լինել ամեն փոփոխության և նորի հանդեպ, մենք նրան կրկին օգնում ենք հասնել հաջողության։ Բացի այդ՝ նրան տալիս ենք ինքնավստահություն իր հանդեպ և իր հնարավորությունների։

3. «Չի սխալվում միայն նա, ով ոչինչ չի անում»

Մենք պետք է սովորեցնենք երեխային, որ սխալվելը միանգամայն բնական երևույթ է, իսկ սխալը պատրվակ է կատարելագործվելու, որքան էլ որ այն տհաճ լինի։

4. «Բոլոր մարդիկ էլ դպրոցականներ են եղել»

Շատ կարևոր է հիշեցնել երեխային, որ անգամ ամենաբարձր մակարդակի մասնագետները սկսել են իրենց աշխատանքը և ուսումը զրոյից։ Ձեր օրինակով ցույց տվեք երեխային, թե ինչ է կայունությունը, համբերությունը և ձգտումը։

5. «Սովորիր ամեն սխալից»

Սխալները և պարտությունները մարդկային կյանքի բնական դրսևորումներ են։ Ամեն պարտությունից հետո անհրաժեշտ է երեխային հարցնել նրա «քաղած» դասի մասին և սովորեցնել նրան եզրակացություններ անել։

6. «Ամեն ինչ կարգին է․ դու պահով ձեռքերում ես»

Ձեր սեփական փորձից հիշեք, թե որքան լավ էին զգում ձեզ, երբ մանուկ ժամանակ ծնողները ձեր կողքին էին, սեր ու հոգատարություն էին նվիրում ձեզ։ Համաձայնեք, որ դրանք կյանքի ամենալավ պահերն էին։ Ամեն օր քնելուց առաջ քնքշությամբ ասեք ձեր փոքրիկին այս խոսքերը, որպեսզի նրանք մնան երեխայի հիշողության մեջ ամբողջ կյանքում։))))

աղբյուրը՝ http://mama-likes.ru/advices/6-fraz-chashhe-govorit-rebenku.html/2