Ինչպե՞ս ընտրել խաղալիք նորածինների համար

08/08/2015

Շատ հաճախ մայրիկները շփոթվում եմ խաղալիքների բազմազանության մեջ: Գնում են նորանոր և թանկ խաղալիքներ, մինչդեռ փոքրիկերը դրանցով չեն խաղում:

Յուրաքանչյուր տարիքի համար գոյություն ունեն հատուկ խաղալիքներ: Որոշ բաներ կարելի է ձեռքով պատրաստել , որոշ բաներ էլ գնել:

Սկսենք կյանքի առաջին փուլից` ծնված օրվանից մինչև 3 ամսական հասակը:

Ձեր փոքրիկի առաջին խաղալիքը պետք է լինի այսպես կոչված «մոբիլ»-ը: Այն ոչ մեծ պտտվող կարուսել է խաղալիքներով, որը կախված է փոքրիկի մահճակալից: Եթե պահպանվում է վաղ տարիքի զարգացման սկզբունքը, ապա խաղալիքները պետք է լինեն միատոն, մի քիչ մեծ, ցանկալի է դեղին, կարմիր, կապույտ և կանաչ գույների:

Վաղ տարիքի զարգացման սիստեմայի մեջ հայտնի է նաև սև-սպիտակ տարբերակը: Իրականում առաջին երկու ամիսներին փոքրիկն ավելի լավ է արձագանքում կոնտրաստային սև-սպիտակ գույներին, քան վառ գույներին:

Շարժական խաղալիքը լինում է էլեկտրական և մեխանիկական: Մեխանիկականը հարկավոր է ձեռքով հավաքել և պահանջում է շատ ավելի ժամանակ: Էլեկտրական կառավարվող կահույքը ավելի հարմար է, սակայն ավելի թանկ: Եթե դուք որոշել եք ինքներդ դա պատրաստել, ապա տարբերակներից մեկը` վերցնել գուլպաներ չորացնելու կախիչ, այն ամրացնել փոքրիկի մահճակալին և կախիչներից կախել զանազան խաղալիքներ: Ճիշտ է, այս պարագայում պտտել պետք է ձեռքով:

Այս խաղալիքի հիմնական նպատակը տեսողության և հայացքի ուղղորդման զարգացումն է, հետագայում` փոքրիկի փորձերը բռնել գլխավերևում պտտվող խաղալիքները: Խորհուրդ ենք տալիս ժամանակ առ ժամանակ փոփոխել պտտվող խաղալիքները, քանի որ փոքրիկը դրանից շուտ է հոգնում: Մի քանի օրից կարող եք նորից նախկին խաղալիքները կախել և փոքրիկի համար դրանք կարծես նոր կլինեն:

Հաջորդ կարևոր խաղալիքը տարբեր չխչխկան կամ զղզղան խաղալիքներն են: Խորհուրդ են տրվում փոքր, բարակ բռնակով զղզղիկները, որպեսզի փոքրիկը կարողանա հեշտ բռնել դրանք: Դեռ ծնված օրվանից սկսեք նրա ձեռքը տալ խաղալիքներ, որպեսզի զարգանա բռնելու ռեակցիան, մկանները: Նաև ցանկալի է, որ նա ունենա մի քանի չխչխկաններ և դրանք տարբերվեն ձայնի հնչողությամբ և բարձրությամբ:

Ինչպե՞ս պատրաստել չխչխկան խաղալիքներ: Այստեղ Ձեզ ընձեռվում են անսահման հնարավորություններ: Ոչ մեծ չափսերի շշեր, ցանկալի է պլաստմասե, կարելի է լցնել ձավարեղենով, ոլոռով, լոբու հատիկներով: Կարելի է նաև օգտագործել ոչ մեծ տուփեր, պարկեր:

Լսողության զարգացման համար կարելի է ձեռք բերել զանգակ: Իդեալական կլիներ` ունենայիք մի քանի երաշժտական գործիքներ տարբեր ձայնային հնչողությամբ: Փոքրիկի մատիկների մարզման համար կարող եք ձեռք բերել հուլունքներով չխչխկաններ կամ ինքներդ հավաքեք:

Նորածինը դեռ չի գիտակցում, որ նա ունի թաթիկներ և տոտիկներ: Ինքն իր մարմնի հետ ճանաչելու ընթացքը արագացնել կօգնեն հատուկ փափուկ խաղալիքներով թևնոցները: Այդպիսի թևնոցները պետք է լինեն փափուկ և ձայն հանեն: Այսինքն միաժամանակ կատարեն չխչխկանների ֆունկցիա: Թևնոցը պետք է հագցնեք դաստակին կամ կոճին: Թաթիկի և տոտիկի շարժման ընթացքում ձայնի առկայության դեպքում փոքրիկը սկսում է ուսումնասիրել իր մարմինը: Փորձելով բռնել վառ գույնի խաղալիքը` նա նաև բռնում է իր թաթիկը և տոտիկը:

Այդպիսի խաղալիք ինքնուրույն պատրաստելու համար կարելի է օգտագործել մազերի համար նախատեսված լայն ռեզին , որին ամրացվում է ձավարեղենով լցված փոքրիկ տոպրակ, որը ձայն կհանի:

Մաղթում ենք հաջողություն Ձեր փոքրիկին դաստիարակելու և զարգացնելու հարցում:

impoqrik.am