Ինչպես ճիշտ մոտիվացնել փոքր երեխային

21/06/2016

Բոլոր  ծնողներն են ուզում, որ  իրենց  երեխաները մեծանան հաջողակ, անկախ  և  նրա  մոտ  ամեն ինչ  ստացվի։ Եկեք  խոսենք  այն մասին, թե ինչպես  ճիշտ  աջակցել և  մոտիվացնել երեխային։   

10 խորհուրդներ  հոգեբանից, թե  ինչպես  ճիշտ  մոտիվացնել երեխային։ 

1.Միշտ  հավատացեք  Ձեր  երեխայի  հաջողությանը, եթե  նույնիսկ կա անհաջող  փորձ։  Եթե  ծնողները չհավատան իրենց  երեխայի  հաջողությանը, հնարավոր է, որ երեխան չկարողանա իր մեջ  ուժ գտնել, որպեսզի ինքն իրեն մոտիվացնի։ Պետք է  ասել․ «Ես  քեզ  հավատում եմ», «Երբեք  մի  հանձնվիր», « Քեզ  մոտ ամեն ինչ  կստացվի»։ 

2. Հպարտացեք Ձեր երեխայի արարքներով  և  աջակցեք նրա  ցանկացած, նույնիսկ ամենաանշան  ձեռնարկումները։  Դա  շատ  է  մոտիվացնում։ 

3.Աջակցեք  և  եղեք հենարան երեխայի  համար։ Զգացումը, որ  քեզ  հավատում են, շատ  է օգնում երեխային ավելի  համարձակորեն շարժվել դեպի  նպատակը, տալիս է հնարավորություն հաղթահարել  դժվարությունները․

4. Խրախուսեք  արարքը, ոչ  թե  անձին։ Ծնողները  հաճախ են ասում․ «Ապրես  դու», բայց  այս  արտահայտությունը  երեխայի  համար  ոչ  մի  իմաստային ծանրաբեռնվածություն  չունի, բացի  դա, չի  մոտիվացնում նրա  հետագա գործողությունները։  Ավելի  լավ է  ասել․ «Քեզ  մոտ (նշեք  գործողությունը) հրաշալի  է  ստացվում»։ 

5. Ավելի  շատ շեշտը  դրեք  այն  բանի  վրա, ինչը  լավ է  ստացվում։ Ծնողները  բավականին հաճախ մատնացույց  են անում երեխայի  սխալները, որպեսզի  մոտիվացնեն  նրան ապագայում ճիշտ գործողություններ  անելու  համար։ Սա  սխալ կարծիք է։ Մոտիվացիայի  մեխանիզմն աշխատում է  հետևյալ կերպ․ երեխան արել է ինչ֊որ լավ բան, խրախուսեք  նրա  արարքը, այս  կերպ  Դուք  երեխայի  մոտ  առաջացնում եք  ցանկություն  հաջորդ  անգամ ևս  այդ  կերպ  վարվել։ Մենք  ամրապնդում ենք հաջողության  զգացումը, որը  դրդում է  հետագա  գործողությունների։

6.Միշտ ցանկացած  իրավիճակում գտեք «+»֊ը։ Նույնիսկ ամենաանհաջող  իրավիճակում  միշտ  կա  դրական մասնիկ, շեշտը  դրեք  այդ  մասնիկի  վրա։ 

7. Եթե երեխան օգնություն է  խնդրում, միշտ պատրաստ  եղեք  օգնելու։ 

8. Երեխայի  համար  եղեք արժանի  օրինակ։ Ծնողները  կարող  են պատմել  երեխաներին, իրենց հաջողությունների  ու  ձախողումների  մասին, կիսվել իրենց  փորձով։ Այս  կերպ երեխան ստանում է  ծնողի  աջակցությունը, հասկանում է, որ միշտ  ամեն ինչ  ստացվել չի  կարող։ Բայց  վերլուծելով սեփական  անհաջողությունները, մենք  ձեռք ենք  բերում  փորձ և  գիտելիք  հետագայում հաջողությունների հասնելու համար։ 

9. Եթե  երեխան ստացել է  բացասական փորձ, միշտ  հարգանքով վերաբերվեք  նրա  ապրումներին։ Դուք  կարող  եք  օգնել նրան, որ ելք  գտնի  դժվարին իրավիճակից։ 

10. Ամեն ինչ երեխայի  փոխարեն մի որոշեք, տվեք  նրան ընտրության իրավունք։ Այս  ձևով միայն երեխան  կկարողանա ձեռք  բերել փորձ, նոր  գիտելիքներ և  կատարել եզրահանգումներ  իր  պահվածքի վերաբերյալ։ 

Եվ ամենակարևորը․ սիրեք  Ձեր երեխաներին անպայմանորեն, ուղղակի, նրա համար, որ  նրանք  կան՝ իրենց «+»֊ներով ու «-»֊ներով հանդերձ։ Երեխայի  ընդունումը  սիրով ու  ջերմությամբ օգնում է  երեխայի  մոտ  ձևավորել  հաջողության զգացումը։ 

Աղբյուրը՝ http://baby-journal.eu/