Տուփի պարունակությունը

200 քարտ (400 նկար և 800 բառ), 

1 ավազի ժամացույց (մեկ րոպե),

կանոնները մեկնաբանող թերթիկ,

1 նոթատետր (հաշիվը գրանցելու համար):

Տուփում առկա քարտերը երկկողմանի են՝ նկարներով և բառերով: Նախատեսված է տարբեր տարիքային խմբերի համար:

Նկարներով քարտեր՝   4-ից 7 տարեկան երեխաներիհամար։ Յուրաքանչյուր քարտի վրա 2 նկար է:

Բառերով քարտեր՝ 8-ից 14 տարեկան երեխաների համար: Յուրաքանչյուր քարտի վրա 4 բառ է:

Խաղի կանոնները` համառոտ

Անհրաժեշտ է 1 րոպեում թիմակիցներին բացատրել քարտերի վրա պատկերված նկարները կամ գրված բառերը այլ կերպ՝ չօգտագործելով նույնարմատ բառեր, թարգմանություններ կամ տվյալ իրը՝ մատնացույց չանելով:

Կարելի է բացատրել հոմանիշների, հականիշների, ասոցիացիաների միջոցով. թույլատրելի է նաև կիրառել ժեստեր, դիմախաղ և ձայներ:

Յուրաքանչյուր գուշակած նկարը կամ բառը մեկ միավոր է: Հաղթում է այն թիմը, որը կհավաքի ավելի շատ միավոր:

Խաղի նպատակը.

Կիրառել, պահպանել և զարգացնել հայոց լեզուն ոչ միայն պաշտոնական միջավայրում, այլև առօրյա ժամանցում:

Ինչու՞ խաղալ «Այլկերպիկ»

Բարելավում է հայերենի և հայկականի իմացությունը, խթանում բանավոր խոսքի, մտքի ճկունության զարգացումը:

Որտե՞ղ խաղալ

Տանը, դպրոցում, բակում, ընկերական հավաքույթներին, ճամփորդելիս:

Ու՞մ հետ խաղալ

Ընկերների, ընտանիքի անդամների, համադասարանցիների և բոլոր այն ցանկացողների հետ, ովքեր չեն խուսափում ինտելեկտուալ պայքարից:

Մասնակիցների նվազագույն թիվը՝ 4, առավելագույնը՝ որքան ցանկանում եք :

Երաշխավորված է ԿԳՆ Լեզվի պետական տեսչության կողմից