lang->line('Categories'); ?>
lang->line('Categories'); ?>

Արկածային

Ալիսը հրաշքների աշխարհում

2600Դր.

Հեղինակ` Քերոլ Լուիս
Թարգմանությունը` Սոնա Սեֆերյանի
Չափածոյի թարգմանությունը` Սամվել Մկրտչյանի
Էջեր` 168
Կազմ` փափուկ
Չափեր` 13.5x20 սմ
Լեզու` արևելահայերեն
Հրատարակված է` 2021

     Լուիս Քերոլի «Ալիսը հրաշքների աշխարհում» վիպակը վիկտորյան մանկագրության ամենահայտնի հրաշապատում երկն է: Պատմության հերոսուհին` Ալիսը, ողջամիտ ու հետաքրքրասեր աղջնակ է, որ հեղինակի «կամքով» հայտնվում է զարմանալի անրջային մի աշխարհում` խոսող գազանների ու փետրավորների, շնչավորված թղթե զինվորիկների ստորգետնյա թագավորությունում: Այստեղ ամեն ինչ սովորականից տարբեր է, արտառոց. հերոսուհուն ծանոթ խաղերի կանոններն անգամ գլխիվայր են շրջված: Ալիսը պատրաստակամորեն ենթարկվում է մի շարք կերպարանափոխությունների, որպեսզի ի վերջո կատարվի իր նվիրական ցանկությունը` հայտնվի երազային աշխարհի սքանչելի պարտեզում: Լուիս Քերոլի անմոռանալի վիպակը միաժամանակ հեքիաթ է և խաղ. պատմության հերոսներից շատերը խաղաթղթեր են: Մինչ պատմության թղթեղեն հերոսները վարում են իրենց արտառոց, բայց որոշակի կանոններով ընթացող խաղը, Քերոլ հեղինակը հետևում է նրանց վիպական ժամանցին` անձամբ տրվելով զանազան բառախաղերի: Խաղի գլխավոր կանոնը տրամաբանության բացարձակ հերքումն է, լեզվական արկածախնդրությունը:

Թոմ Գեյթսի սքանչափայլ աշխարհը

2900Դր.

Հեղինակ` Լիզ Փիշըն
Թարգմանությունը` Արթուր Մեսրոպյանի
Նկարազարդումները` Լիզ Փիշընի
Էջեր` 256
Կազմ` փափուկ
Չափեր` 15x19 սմ
Լեզու` արևելահայերեն
Հրատարակված է` 2021

     Թոմ Գեյթսը` հնարամիտ ու չարաճճի դպրոցականը, ցանկանում է տոմսեր ձեռք բերել իր սիրած խմբի համերգին ներկա լինելու համար: Բայց ուղղակի պատմելու բան չէ, թե ինչ փորձանքներ է բերում իր գլխին մինչև համերգին հասնելը: Գիրքը լի է բազմապիսի ձեռագիր խզբզոցներով ու ծաղրանկարներով, որոնց միջոցով Թոմը ներկայացնում է իր չարաճճի առօրյան ու իրեն շրջապատող մարդկանց։

Էմիլը Լյոնեբերգայից

2000Դր.

Հեղինակ` Աստրիդ Լինդգրեն 
Թարգմանությունը` Աշխեն Բախչինյանի 
Էջեր` 112 
Կազմ` փափուկ 
Չափեր` 12.5x20 սմ 
Լեզու` արևելահայերեն 
Հրատարակված է` 2015 

     Ա՛յ հիմա, երբ դու արդեն պատրաստ ես ծանոթանալու Լյոնեբերգացի Էմիլին, երևի քեզ կհետաքրքրի այն փաստը, որ Սմոլանդ գավառի Վիմերբի փոքրիկ գավառական քաղաքում, որտեղ Էմիլը, բնականաբար, հայտնի էր դարձել իր «հերոսություններով», 1907-ի նոյեմբերի 14-ին ծնվել է Աստրիդ Աննա Էմիլիա Էրիկսոնը, ով նույն ինքը՝ շվեդ հռչակավոր մանկագիր Աստրիդ Լինդգրենն է։
     Փոքրիկ տղայի մասին երեք վիպակներում էլ մանկագիրը մեծ սիրով ու գորովանքով է նկարագրում իրեն անչափ հարազատ շվեդական բնությունն ու մարդկանց, ավանդական տոներն ու զվարճությունները, կենցաղը, համեղագույն կերակուրները, առասպելներն ու սովորույթները: Դրանց կարող ես ծանոթանալ նաև դու՝ հետևելով Էմիլի անկարգություններին ու հնարամտություններին։

Լյոնեբերգացի Էմիլի նոր չարաճճիությունները

2200Դր.

Հեղինակ` Աստրիդ Լինդգրեն
Թարգմանությունը` Աշխեն Բախչինյանի
Էջեր` 136
Կազմ` փափուկ
Չափեր` 13.5x20 սմ
Լեզու` արևելահայերեն
Հրատարակված է` 2021

     Շվեդ մանկագիրն այս գրքում շարունակում է Էմիլի մայրիկի օրագրի էջերը՝ մեզ պատմելով լյոնեբերգացի փոքրիկի նոր չարաճճիությունների մասին: Լյոնեբերգացի Էմիլի մասին պատմող երկրորդ վիպակում տոնական առատ սեղանների պակաս չկա: Իսկ ընկնող գիսաստղի նման դրանց «վրա» հայտնվող Էմիլը ոչ միայն հարուցում է մեծերի ծիծաղը, սարսափն ու հարգանքը, այլև հաջողեցնում է կուշտ կերակրել անկելանոցի բոլոր սոված տատիկներին և պապիկներին՝ դաս տալով իշխանավոր Շեֆուհուն: Այժմ արդեն ոչ միայն Էմիլի մայրիկը, այլև մենք գիտենք, թե որքա՜ն բարի սիրտ ունի ոսկեգույն գանգուրներով ու կապույտ աչքերով այդ տղան:

Կեցցե՛ Լյոնեբերգացի Էմիլը

2400Դր.

 Հեղինակ` Աստրիդ Լինդգրեն 

Թարգմանությունը շվեդերենից` Աշխեն Բախչինյանի
Էջեր` 192
Կազմ` փափուկ
Չափեր` 12.5x20 սմ
Լեզու` արևելահայերեն
Հրատարակված է` 2016

Մեր սիրելի հերոսների շարքում արդեն հայտնված այս չարաճճի տղան, որն ապրում էր Սմոլանդ գավառի Լյոնեբերգա քաղաքի Քաթհուլտ ագարակում իր հոր՝ Անտոն Սվենսոնի, մոր՝ Ալմա Սվենսոնի և իր կրտսեր քույրիկ Իդայի հետ, սկսում է դպրոց հաճախել։ Նրանց սպասուհի Լինայի կարծիքով Էմիլին երկնքում տեղ կտան միայն այն դեպքում, եթե կայծակ անելու համար հանկարծ օգնության կարիք ունենան։
Այս վիպակում Էմիլը մի քանի խելացնոր գործարքներ է կնքում Բաքհորվայի աճուրդում, հազար երկու հարյուր խեցգետին բռնում, իր վարժեցրած խոզուկի հետ հայտնվում է հարբեցողության դեմ պայքարի կենտրոնում, Սուրբ Գրքի քննության օրը հայրիկին պատահաբար փակում Թրիսեի տնակում, իսկ վիպակի վերջում մի այնպիսի հերոսություն անում հանուն իր սիրելի ընկերոջ, որ Լինան և բոլոր լյոնեբերգացիները փոխում են իրենց կարծիքը։

Փադինգթոն անունով արջուկը

2500Դր.

Հեղինակ` Մայքլ Բոնդ
Թարգմանությունը` Լուսինե Հայրապետյանի
Նկարազարդումները` Փեգի Ֆորթնումի
Էջեր` 144
Կազմ` փափուկ
Չափեր` 13.5x20 սմ
Լեզու` արևելահայերեն
Հրատարակված է` 2021

     Փադինգթոն արջուկը, օվկիանոսը հատելով, հեռավոր Պերո­ւից հասնում է Անգլիա` Լոնդոն: Այստեղ նա հանդիպում է տեր և տիկին Բրաուններին և շուտով դառնում այս հրաշալի ընտանիքի լիիրավ անդամը: Մեծ քաղաքում Փադինգթոնին սպասում են անհամար նորույթներ, հետաքրքիր ու անհավանական արկածներ:

Ավազակի աղջիկ Ռոնյան

3500Դր.

Հեղինակ` Աստրիդ Լինդգրեն
Թարգմանությունը` Լուսյա Ադամյանի և Աշխեն Բախչինյանի
Նկարազարդումները` Իլոն Վիկլանդի
Էջեր` 232
Կազմ` փափուկ
Չափեր` 13.5x20 սմ
Լեզու` արևելահայերեն
Հրատարակված է` 2022

     Փոքրիկ Ռոնյայի կյանքը փառահեղ սկսվեց և այդպես էլ շարունակվեց։ Թե՛ Մաթիսի բերդում, թե՛ անտառում նա հետազոտում էր բնությունը, ծանոթանում անտառի տարօրինակ արարածներին, բացահայտում էր կյանքի օրենքները՝ հաճախ ընդվզելով և ըմբոստանալով դրանց դեմ։ Նա դուրս է գալիս սեփական հոր դեմ՝ պաշտպանելու իր ընկերոջն ու իր գաղափարները։ Բնության մեջ մեծացող Ռոնյան ընդունում է մարդկանց ու կենդանական աշխարհի բոլոր արարածների՝ բնության բարիքներից հավասարապես օգտվելու իրավունքը և ստանձնում բնությունն անաղարտ պահպանելու պարտավորությունը։

Փիթրը և Վենդին

2700Դր.

Հեղինակ` Ջեյմս Մեթյու Բարրի
Թարգմանությունը` Ալվարդ Ջիվանյանի
Նկարազարդումները` Ֆրենսիս Դոնկին Բեդֆորդի
Էջեր` 224
Կազմ` փափուկ
Չափեր` 13.5x20 սմ
Լեզու` արևելահայերեն
Հրատարակված է` 2022

     Փիթրը և Վենդին (1911 թ.) Ջ. Մ. Բարրիի ամենանշանավոր երկն է։ Վերջինս նախ գրվել է որպես պիես (1906 թ.) և բեմադրվել լոնդոնյան՝ Յորքի դուքսի թատրոնում՝ունենալով աղմկալից հաջողություն: Պատահական չէ, որ վիպակն առանձնանում է նուրբ թատերայնությամբ և երկխոսությունների բացառիկ մշակվածությամբ:
     Ո՞վ է Փիթր Փենը: Բարետես, շնորհալի պատանի` հնարամիտ ու խիզախ, մի թեթև…. ո՜չ, աներևակայելի պարծենկոտ: Մի խոսքով` տղաներից լավագույնը:

Փիթր Փենը Քենսինգթոնի այգիներում

2400Դր.

Հեղինակ` Ջեյմս Մեթյու Բարրի
Թարգմանությունը` Ալվարդ Ջիվանյանի
Նկարազարդումները` Արթուր Ռեքհեմի
Էջեր` 128
Կազմ` փափուկ
Չափեր` 13.5x20 սմ
Լեզու` արևելահայերեն
Հրատարակված է` 2022

     Ջեյմս Մեթյու Բարրին Շոտլանդիայի պարծանքն է, մանկական գրականության ամենակատարյալ և հուզիչ կերպարներից մեկի՝ Փիթր Փենի գրական կնքահայրը։ Անմայր ու անտուն տղայի կյանքը Բարրին վերածում է հրաշապատում զրույցի՝ փոքրիկ ընթերցողի համար հմտորեն հյուսելով երազային ու լուսավոր մի պատմություն, որ գրվել է վաղուց՝ ուրախ ու տխուր տարիներ առաջ, մեզնից հեռու մի աշխարհում... Մեկ գավաթ բուրավետ տաք թե՛յ խմեք Քենսինգթոնի զբոսայգում։ Ծեր Շագանակենին Ձեր գավաթի մեջ մի քանի մեղրահամ ծաղկաթերթ կնետի… Լսո՞ւմ եք, Փիթր Փենն է, սքանչելի սաղմոսներ է երգում՝ հյուսած հեռավոր ծովի բույրից, մոլորված խավարի մրմունջից ու դեղին անմոռուկների հուշերից։ Նրա նվագից տրոփում են մատղաշ սոճիների փշապատ սրտերը, բալենին ծաղկաթափ է լինում ու ճյուղերից հազարավոր կարմրիկ կանթեղներ կախ տալիս։ Կաղնու բնի խորշերից հայտնվում են երամ–երամ փերիներ, ու քամին սկսում է անհամբեր թերթել այս կախարդված պատմության էջերը։

Կախարդին գումարած ագռավ

3900Դր.

Հեղինակ` Երազիկ Գրիգորյան
Նկարազարդումները` Աննա Հակոբյանի
Էջեր` 136
Կազմ` փափուկ
Չափեր` 15.5x22.5 սմ
Լեզու` արևելահայերեն
Հրատարակված է` 2021

     Կախարդ պառավի ու նրա գործընկեր ագռավի մասին ամբողջ աշխարհը միայն վատն է խոսում։ Նույնիսկ իրե՛նք իրենց մասին մի լավ բան ասել չեն կարող։ Բայց այս գիրքը կարդալիս կծիծաղեք նրանց վրա, երբեմն կխղճաք ու ի վերջո կսիրեք նրանց։ Եվ խոստովանենք՝ վաղուց ժամանակն է իմանալու, թե այս երկուսը կախարդպառավություն ու ագռավություն անելուց բացի ինչով են զբաղվում։

Քորլայն

3900Դր.

Հեղինակ` Նիլ Գեյման
Նկարազարդումները` Քրիս Ռիդելի
Թարգմանությունը անգլերենից` Արթուր Մեսրոպյանի
Էջեր` 232
Կազմ` Կոշտ
Չափեր` 14x21 սմ
Լեզու` արևելահայերեն
Հրատարակված է` 2021

     Քորլայնի ընտանիքը նոր տուն է տեղափոխվում: Ո՞վ գիտի, թե ինչ կա տասնմեկ տարեկան աղջկա մտքին: Դե իհարկե, ուսումնասիրել ու ճանաչել նոր տարածքն ու տեղի բնակիչներին: Իսկ բնակիչները շատ յուրօրինակ են ու շատ անսովոր… նույնիսկ սարսափելի անսովոր: Նրանք բնակվում են ոչ միայն վերևի և ներքևի հարկերում, այլև տան մի հին փակ դռան հետևում և պատրաստ են ամեն ինչ անելու, որպեսզի Քորլայնը մնա իրենց հետ… հավերժ ու հավիտյան: Քորլայնից կպահանջվի մեծ քաջություն ու վճռականություն սպասվող փորձությունները հաղթահարելու համար:

Քվիդիչ. մի խաղի պատմություն

2700Դր.

Հեղինակ` Ջ. Ք. Ռոուլինգ
Թարգմանությունն անգլերենից` Ալվարդ Ջիվանյանի
Նկարազարդումները` Տոմիսլավ Տոմիչիի
Էջեր` 132
Կազմ` փափուկ
Չափեր` 12.6x20սմ
Լեզու` արևելահայերեն
Հրատարակված է` 2021

     Ջ.Ք. Ռոուլինգի «Քվիդիչ. մի խաղի պատմություն» գիրքը նվիրված է կախարդ աշխարհի մենատարածված և ամենասիրված մարզաձևին: Աշխատությունն ամփոփում է քվիդիչի ստեղծման ու զարգացման պատմությունը, տարածվածությունը տարբեր աշխարհամասերում, խաղի կանոններն ու խաղացողների գործառույթները: Գիրքը համեմված է զավեշտական դրվագներով ու սրամիտ մեկնաբանություններով:

Գանձերի կղզին: Արկածներ որոնողները մատենաշար

4000Դր.

Հեղինակ` Ռոբերտ Լուիս Սթիվենսոն
Թարգմանությունը` Հայրապետ Հայրապետյանի
Էջեր` 280
Կազմ` փափուկ
Չափեր` 14x21.5 սմ
Լեզու` արևելահայերեն
Հրատարակված է` 2020

     Պատանի Ջիմ Հոկինսին և նրա ծնողներին պատկանող «Ծովակալ Բենբոու» փոքրիկ պանդոկում հայտնվում է մի խորհրդավոր անծանոթ` բռնկուն ու անտանելի բնավորությամբ մի ծովային, որը շատ չանցած մահանում է: Հանգուցյալի իրերի մեջ Ջիմ Հոկինսը պատահաբար գտնում է մի քարտեզ, որտեղ նշված է գանձերի ճշգրիտ վայրը: Շատ շուտով պարզվում է, որ նա բոլորովին էլ միակ մարդը չէ, որ տեղյակ է գանձերի և քարտեզի մասին: Իր բարեկամների` կալվածատեր Տրելոնիի և բժիշկ Լիվսիի հետ Ջիմը նավով ճանապարհ է ընկնում` քարտեզում նշված գանձերը որոնելու` հաղթահարելով անհամար վտանգներ ու փորձություններ: Ռոբերտ Լուիս Ստիվենսոնի վեպն առ այսօր համարվում է երբևէ գրված արկածապատում լավագույն երկերից մեկը:

Էմիլը և հետախույզները: Արկածներ որոնողները մատենաշար

3200Դր.

Հեղինակ` Էրիխ Քեսթներ
Թարգմանությունը գերմաներենից` Լիանա Սաֆարյանի
Էջեր` 160
Կազմ` փափուկ
Չափեր` 14x21.5 սմ
Լեզու` արևելահայերեն
Հրատարակված է` 2021

Էմիլն առաջին անգամ միայնակ Բեռլին է մեկնում: Գնացքում գողանում են նրա ամբողջ գումարը: Գնացքից իջնելուց անմիջապես հետո նա կրնկակոխ հետևում է գողին: Բարեբախտաբար, նրան օգնության են հասնում շատ տղաներ, ու միասին մեծ քաղաքում հետապնդում են ձեռնարկում գողին բռնելու նպատակով:

Երկարագուլպա Պիպին

2200Դր.

Հեղինակ` Աստրիդ Լինդգրեն 
Թարգմանությունը` Աշխեն Բախչինյանի 
Էջեր` 144 
Կազմ` փափուկ 
Չափեր` 12.5x20սմ 
Լեզու` արևելահայերեն 
Հրատարակված է` 2013 

     Մանկական գրականություն մուտք գործելով Պիպիի մասին պատմություններով՝ շվեդ հռչակավոր մանկագիր Աստրիդ Լինդգրենը (1907-2002) հեղաշրջեց այն:
     Գիրքն ընդգրկում է անսովոր ուժի տեր չարաճճի աղջիկ Երկարագուլպա Պիպիի մասին վիպակներից առաջինը: Այն գրվել է 1944 թ-ին և այդ տարվանից դարձել ամենասիրված մանկական գրքերից մեկն աշխարհում: Հայերեն թարգմանվում է առաջին անգամ: 

lang->line('Categories'); ?>
Պատվիրել զանգ Համարն ուղարկվեց