Մրցակցություն երեխաների միջև. ինչպե՞ս պետք է վարվի ծնողը

11/07/2018

Այդպիսի զգացողություն կա նաև հարազատ քույր-եղբայրների մոտ:

Խորհուրդ 1.  երեխաներին սիրեք և ուշադրություն դարձրեք հավասարապես: Բոլորին հավասարապես պետք է գովել, քննադատել և օգնության ձեռք մեկնել:

Մրցակցություն երեխաների միջև

Կարծում ենք՝ Ձեր շրջապատում հանդիպած կլինեք այնպիսի քույրերի, եղբայրների, որոնք հարատև մրցակցության մեջ են: Օրինակ՝ քույրերից մեկը դպրոցն ավարտել է գերազանցությամբ, իսկ մյուսը, նմանակելով նրան, փորձում է կրկնել հաջողությունը: Մեկը կարիերայում ունենում է հաջողություն, մյուսը փորձում է գերազանցել նրան: Այս պարագայում մրցակցությունը վատ չէ: Նոր մոտիվացիա է, որն առաջ է մղում երկուսին էլ:

Սակայն ծնողներն այստեղ շատ մեծ գործ ունեն անելու: Նրանք չպետք է թույլ տան, որ այդ մրցակցությունը չարության և նախանձի վերածվի:

Խորհուրդ 2.  երեխաների միջև արհեստական մրցակցություն մի ստեղծեք`ասելով «Օրինակ վերցրու քույրիկիցդ: Նա գերազանց է սովորում, իսկ դու՞»: Մի համեմատեք երեխաներին:

Աղջիկ-տղա

Որպես կանոն` որքան մեծ է երեխաների միջև տարիքային տարբերությունը, այնքան շատ են հակասությունները: Եթե կրտսերը քույրն է, եղբայրը սովորաբար փորձում է վերահսկել նրան: Արդյունքում` քրոջ վիրավորանքն ավելի մեծ տարիքում արտահայտվում է վրեժի տեսքով:

Խորհուրդ՝ քրոջ և եղբոր հարաբերությունները նախևառաջ տղամարդու և կնոջ հարաբերություններ պետք է լինեն, այսինքն՝ Ձեր որդուն պետք է սովորեցնեք խնամել, հոգ տանել քույրիկի մասին, քնքուշ և նուրբ լինել, չնեղացնել: Իսկ դստերը սովորեցրեք լինել աղջիկ, կին, որը չի վախենա տղամարդու հետ շփումից և կընդունի նրան որպես  հավասարի, այլ ոչ երբեք առավելի:

Վեճերի տեսակները

1. Ներկայացում: Երեխաների շատ վեճեր թատերական ներկայացումների են նման: Նրանք պարզապես ցանկանում են լինել ծնողների ուշադրության կենտրոնում:

2. Ագրեսիա:  Հաճախ չի պատահում, սակայն լինում են այնպիսի քույրեր, եղբայրներ, որոնք ամեն կերպ փորձում են ցավեցնել միմյանց: Եթե բախվել եք այս խնդրին, և Ձեզ չի հաջողվում շտկել իրավիճակը, դիմեք հոգեբանի:

3. Վեճը՝ շփվելու միջոց: Քույրիկներն ու եղբայրները ոչ թե վիճում են, այլ խայթող կատակներով շփվում են միմյանց հետ: Սա բնավորության տեսակ է: Պատճառը հասկանալու համար վերլուծեք Ձեր և շրջապատի շփման ձևը:

 Խորհուրդ ծնողներին

1. Վեճերը քիչ կլինեն երեխաների միջև, եթե նրանցից յուրաքանչյուրն իր անձնական տարածքն ունենա՝ պահարան, գրասեղան, մահճակալ:

2. Երեխաների միջև մրցակցության դեպքում Դուք մի խառնվեք, թույլ տվեք, որպեսզի իրենք լուծեն իրենց հարցերը: Եթե խնդիրը շատ սուր լինի, այդ դեպքում կարող եք միջամտել, սակայն դա արեք նրբորեն:

3. Քրոջ, եղբոր ներկայությամբ մի զայրացեք ու մի բղավեք մյուս քրոջ կամ եղբոր վրա:

4. Խմբակային խաղեր խաղացեք, որպեսզի էլ ավելի մտերմանան երեխաները:

5. Երբեք մի համեմատեք երեխաներին:

6. Բոլորին հավասարապես ուշադրություն դարձրեք:
   
   
   
   Նյութի աղբյուրը՝  impoqrik.am