Խաղի ձևեր

15/07/2016

Իրենց զարգացմանը  զուգընթաց  երեխաներն անցում են կատարում անհատական խաղից խմբայինին։ Թե ինչպիսի  խաղաձև  կընտրի  երեխան  կարող է կախված լինել անձնական նախապատվությունից կամ նրանից, թե ինչպես է իրեն  զգում տվյալ պահին։ Եվ այդ խաղաձևը  փոփոխվում է ըստ օրվա կամ ըստ իրավիճակի։

Կան  խաղի երեք  հիմնական ձևեր․

Մեկուսացված խաղ

Երեխաները սովորաբար սիրում են ժամանակն անցկացնել մենակ խաղալով։ Նրանք բացահայտում են իրենց շրջապատի բոլոր կողմերը իրենց սեփական ձայնը լսելով  և սեփական մարմնի մասերը զգալով։ Նրանք ուզում են ուշադիր նայել, ճանկել, ծծել և հարվածել այն բոլոր  առարկաներին, որ հայտնվում են իրենց  ճանապարհին։

Ավելի մեծ  երեխաները ժամանակ առ ժամանակ նույնպես նախընտրում են խաղալ մենակ։ Նրանք  կարող են ժամեր անցկացնել իրենց խաղալիքների հետ պատմություններ հորինելով։  Նրանք սիրում են գծել, նկարել, հայտնագործել և  բացահայտել ինքնուրույն։ Նրանք նաև  կարող են կարդալ և գրել ինքնուրույն։

Զուգահեռ խաղ

Մոտ 2-3 տարեկանում երեխաները սկսում են խաղալ  ուրիշ երեխաների  հետ կողք կողքի, բայց առանց  միմյանց հետ շփվելու։ Նրանք  կարող են ներգրավված լինել միանման կամ նույնիսկ  բոլորովին տարբեր գործողություններում, բայց նրանք սիրում են լինել իրենց հասակակիցների շրջապատում։ Չնայած կարող է թվալ, թե նրանց  չի  հուզում այլ երեխաների ներկայությունը, բայց  փորձեք նրանց առանձնացնել իրարից և  կտեսնեք, թե նրանց համար  որքան կարևոր է այդ հեռավոր կապը։

Խմբային խաղ

Երեք տարեկանին մոտ երեխաներն արդեն պատրաստ են նախադպրոցական կրթություն ստանալուն։ Նրանք մի թեթև կրթված են, կարող են հաղորդակցվել ուրիշների հետ։ Նրանք ունակ են կիսել մտքերը և խաղալիքները։ Ինտերակտիվ խաղի շնորհիվ նրանք սկսում են ձեռք բերել սոցիալական ընդունակություններ ինչպես  հերթ պահել և հետևել դրան։ Նրանք նաև  զարգացնում  են խաղի «թեմային համապատասխան» համագործակցելու կարողությունը։ Ոչ թե մեծահասակները, այլ երեխաները պետք է սահմանեն խաղերի  թեմաները և կառուցվածքը։ Մեծահասակները պետք է միջամտեն միայն այն դեպքում, երբ  երեխաները կարիք են զգում սոցիալական և խնդիրներ լուծելու կարողություններ յուրացնելու։

Եվ վերջապես երեխաները նաև սիրում են խաղալ մեծահասակների հետ՝ թե՛ առանձին֊առանձին, թե՛ խմբով։ Շատ կարևոր է, որ ծնողները խաղան իրենց երեխաների հետ։ Դա շատ զվարճալի է նրանց համար։