Ի՞նչ է պետք երեխային՝ ինքնավստահ լինելու համար

25/07/2018

Խոսքն ունի հզոր ուժ:

Կան բառեր, որոնք կարող են «կախարդել» երեխային ու զարգացնել նրա մեջ բնավորության դրական գծեր, դարձնել նրան հաջողակ: Մենք ցանկանում ենք ձեզ ներկայացնել «կախարդական» մի քանի արտահայտություն:

1. Ես քեզ սիրում եմ: Ձեր սերը երեխայի կայացած լինելու հիմքն է: Ձեր տված սիրո միջոցով նա կարող է աշխարհը տեսնել գունավոր ու բարի:

2. Ես քեզ վստահում եմ: Երեխան պետք է իմանա, որ դուք ոչ միայն սիրում եք նրան, այլև իր պոտենցիալը բարձր եք գնահատում:

3. Քեզ մոտ կստացվի: Այսպիսով, դուք նրան ինքնավստահություն կներշնչեք:

4. Այն, ինչ դու ասացիր, ինձ մոտ նոր միտք առաջացրեց: Երեխան պետք է զգա իր եզակիությունը: Միայն պատկերացրեք. նրա միջոցով մեծահասակը կարողացավ նոր բան մտածել:

5. Մի վախեցիր ասել ոչ: Երեխան պետք է հասկանա, որ հրաժարվելը հանցագործություն չէ, այլ յուրաքանչյուր մարդու իրավունք: Երբ նա մեծանա, «ոչ» ասելու կարողությունը բավականին կհեշտացնի նրա կյանքը:

6. Դու ունես ընտրության հնարավորություն: Նույնիսկ եթե այդ ընտրությունը պետք է կայացնել 2 խաղալիքի միջև, այնուամենայնիվ, սովորեցրեք փոքրիկին ընտրություն կատարել:

7. Դու կարող ես սխալվել: Բոլորն էլ սխալվելու իրավունք ունեն, չէ՞ որ ընկնելով ու բարձրանալով՝ մենք սովորում ենք ապրել: Պետք է լինել համբերատար:

8.Ես համաձայն եմ քեզ հետ: Եվս մեկ աղյուս երեխայի ճիշտ զարգացման հիմքում: Եթե երեխայի փոքր որոշումներն ու կարծիքը հարգում են, նա դառնում է ավելի ինքնավստահ:

9. Ես մեծ սիրով կօգնեմ քեզ: Երեխան պետք է միշտ իմանա, որ ցանկացած պահի կարող է դիմել ձեր օգնությանը:

10. Դու գեղեցիկ ես: Այս խոսքերի հնարավորությունները չի կարելի թերագնահատել: Մարդը, որին փոքր հասակում երբեք չեն ասել սրա մասին, միշտ համեմատությունների մեջ է մյուսների հետ: Նա իրեն միշտ կթերագնահատի, նույնիսկ եթե նա ամենագեղեցիկն է:


         Նյութի աղբյուրը՝ www.impoqrik.am