Տեսնելու կարողություն

20/06/2016

Ամենակարևոր բաներից  մեկը, որ  ես  ուզում եմ  սովորեցնել իմ երեխաներին,  շրջապատում գեղեցիկը  տեսնելն է, այն նկատելը։ Կարողանալ ուրախանալ փոքր  բաներով և  հասկանալ, որ այն ամենամեծ երջանկությունը, որի մասին երազում է յուրաքանչյուր մարդ, հենց  փոքր բաների  մեջ է, բաղկացած է  դրանցից։

Սա  երեխաներին սովորեցնելու միջոցներից  մեկը  նրանց  դիտել  սովորեցնելն է։ Ամեն օր  նկատել, թե  ինչ է  իրենց  շուրջը կատարվում։ Նկատել այն փոքր  ամենօրյա փոփոխությունները, մի  խոսքով՝  դիտել բնությունը։ 

Ճապոնիայում, օրինակ, դպրոցական  ծրագրի  մեջ  ներառված են  «Բնությամբ հիանալու  դասեր»։ Ի  տարբերություն եվրոպացիների՝ ճապոնացիները  տարբերում են գույների մինչև  240  երանգներ, իսկ կրտսեր դպրոցակնները հեշտությամբ տարբերում են 40 գույներ։

Ճապոներենում շատ են  այն արտահայտությունները, որոնք  նկարագրում են  եղանակի  հետ  կապված  տարբեր  երևույթներ կամ տարվա  սեզոններ․ ըստ  խստության երկրորդ  աստիճանի սառնամանիքների  սեզոն, ամենախիստ  սառնամանիքների  սեզոն, սակուրայի ծաղկմամբ հիանալու  սեզոն։ 

Մեր  դպրոցական ծրագրերում, իհարկե, չկան բնությամբ հիանալու  դասեր,  բայց  յուրաքանչյուր  ծնողի  պարտականությունն է ցույց  տալ երեխային, թե  որքան գեղեցիկ է  բնությունը, և  սովորեցնել նրան սիրել այն, հիանալ  նրանով  և  նկատել շրջապատի  գեղեցկությունը։ 

Աղբյուրը՝ http://baby-journal.eu/