Երջանկության երանգներ․ 50 արտահայտություն, որ պետք է մայրն ասի դստերը

07/11/2016

Ջինա Մեյջորսը երկու աղջիկների երջանիկ մայր է, ում դուստրերից մեկը վերջերս բոլորեց 18 տարին: Այդ յուրահատուկ օրվա առթիվ՝ մայրը պատրաստել է 50 արտահայտությունից կազմված մի ցանկ, որում ներառել է այն ամենակարևոր կետերը, որոնք հասկացել է իր կյանքի ընթացքում: 

1.      Առաջին հերթին սիրիր ինքդ քեզ:

2.      Միջնակարգ դպրոցը դեռ իրական կյանքը չէ: Պատրա՛ստ եղիր դրան:

3.      Կյանքում դու կհանդիպես շատ անպետք աղջիկների: Պարզապես պատիվդ բարձր պահիր և անցիր նրանց կողքով:

4.      Եթե գտել ես իրական ընկերոջ, աշխատիր պահել նրան՝ անկախ այն բանից, թե որքան հեռու եք միմյանցից:

5.      Իրերը քեզ չեն երջանկացնի:

6.      Երբեք ոչ մեկին մի դատիր, բայց պատրաստ եղիր, որ ինքդ պետք է անընդմեջ դատվես: Գլուխդ բարձր պահիր, փոքրի՛կս:

7.      Ճանաչիր տատիկիդ այնպիսին, ինչպիսին նա իրականում կա:

8.      Ոչ բոլոր խնդիրներն են «աշխարհի վերջը»:

9.      Ընտրիր քո իրական պայքարը: Ամեն ինչի համար չէ, որ պետք է պայքարել:

10.  Մի համեմատիր քեզ ուրիշների հետ. նրանք երբեք չեն լինի այնպիսին, ինչպիսին դու ես:

11.  Անկախ այն բանից, թե որքան շատ ես դու սիրում մարդուն, աշխատիր չկորցնել ինքդ քեզ:

12.  Խոսի՛ր: Գտիր ձայնդ և օգտագործիր այն:

13.  Սովորի՛ր «ոչ» բառը և սովորիր օգտագործել այն:

14.  Հետագայում դու պետք է գրես սեփական կյանքիդ պատմությունը, ուստի աշխատիր լցնել այդ էջերը երջանիկ իրադարձություններով:

15.  Երբեք մի վազիր տղամարդու ետևից: Ճիշտ կլինի, եթե նա ինքը գտնի քեզ:

16.  Սովորիր ճիշտ ընդունել հաճոյախոսությունները և հավատա դրանց:

17.  Միշտ ազնիվ եղիր:

18.  Սովորիր երջանիկ լինել ինքդ քո դերում և մի վախեցիր միայնությունից:

19.  Երբեք մի վախեցիր կիսվել զգացմունքներդ ուրիշների հետ:

20.  Կարելի է վիճել, բայց հիշի՛ր 9-րդ կանոնը:

21.  Կարդա ձեռքիդ տակ եղած ամեն ինչ: Գիտելիքն ուժ է:

22.  Եթե գնաս տղայի տուն հյուր և չտեսնես այնտեղ գրքեր, պարզապես հեռացիր:

23.  Դու որևէ մեկի սեփականությունը չես:

24.  Միշտ ի վիճակի եղիր պաշտպանել ինքդ քեզ: Մի՛շտ:

25.  Մի վախեցիր անհաջողություններից: Դրանց վրա են մարդիկ սովորում:

26.  Երբեք մի ուղարկիր էլեկտրոնային փոստով այն, ինչը չէիր տեղադրի քաղաքային թերթի առաջին էջում: Նույնիսկ եթե դու ջնջես այն, միևնույն է դա ջրի երես դուրս կգա:

27.  Անվերապահորեն օգնիր ուրիշներին, քանի որ բարի գործերը միշտ երջանկություն են պատճառում:

28.  Բարեհամբույր եղիր. երախտագիտությունը ցույց է տալիս բնավորությունը:

29.  Միշտ վստահիր կռահողականությանդ: Մի՛շտ:

30.  Քաղաքավարի եղիր:

31.  Քո արած գործերը խոսում են քո փոխարեն:

32.  Գեղեցկություն փնտրիր ամեն ինչում:

33.  Մի թաքցրու զգացմունքներդ և գտիր միջոց՝ դրանք արտահայտելու համար:

34.  Օգտագործի՛ր արևապաշտպան քսուք:

35.  Մի խզիր կապը քեզ սիրող մարդկանց հետ:

36.  Կյանքում միշտ գլուխդ բարձր պահիր: Ինքնավստահությունը շատ գրավիչ է:

37.  Անհրաժեշտության դեպքում լաց եղիր և նոր ուժ գտիր արցունքներիդ մեջ:

38.  Ծիծաղը դարման է հոգու համար:

39.  Եթե երաժշտությունը չափազանց բարձր է, ապա է՛լ ավելի բարձրացրու դրա ձայնը և պարի՛ր:

40.  Տունն այն վայրն է, որտեղ քեզ սիրում են, այլ ոչ թե այն վայրը, որտեղ ապրում ես:

41.  Խոսքերը կարող են կամուրջներ կառուցել և այրել դրանք: Լավ մտածիր դրանք ընտրելիս:

42.  Առաջինը ներողություն խնդրելը թուլության նշան չէ:

43.  Աշխատի՛ր, ջանասիրաբար աշխատիր: Միշտ կարողացիր ապահովել ինքդ քեզ ամեն ինչով:

44.  Ես գիտեմ, որ երբեմն դու ատում ես ինձ, բայց ես միշտ սիրում եմ քեզ:

45.  Դու ինքնաբավ ես:

46.  Դու կարող ես ինձ ցանկացած պահի ինչ-որ բան ասել: Ես միշտ կողքիդ կլինեմ:

47.  Եվս մեկ անգամ հիշիր, որ ես միշտ կսիրեմ քեզ:

48.  Դու շատ ավելիին ես ընդունակ, քան թվում է:

49.  Դու գեղեցիկ ես: Եվ թույլ մի տուր, որ որևէ մեկը ստիպի քեզ այլ կերպ զգալ:

50.  Կյանքը միայն «այսօր»-ից է բաղկացած: Ապրիր այս պահով: Դու չես կարող ամբողջությամբ կառավարել քո երեկվա կամ վաղվա օրը: Դու միայն ունես այս օրը, ուստի պարզապես երջանիկ եղիր:

աղբյուրը՝ http://med.tert.am/am/news/2016/11/06/50-artahaytutun/23920