Հետաքրքիր փաստեր ձախլիկ երեխաների մասին

09/08/2018

Ձախլիկ են եղել Լեոնարդո դա Վինչին, Ալբերտ Այնշտայնը, Ալեքսանդր Մակեդոնացին, Իսահակ Նյուտոնը, Նապոլեոնը, Չարլի Չապլինը, Օգյուստ Ռոդենը և շատ այլ հայտնի մարդիկ:

Գուցե ձեր փոքրիկն էլ ապագայում համալրի նրանց շարքը:

Կան մարդիկ, որոնց ավելի հարմար է գրել ձախ ձեռքով: Նրանք կազմում են աշխարհի բնակչության 15 տոկոսը: Վերջին 100-ամյակի ընթացքում մարդկանց վերաբերմունքը ձախլիկների նկատմամբ պարբերաբար փոխվել է. եղել են նաև ծայրահեղական կարծիքներ: Վերջին շրջանում մարդիկ կարծում էին, որ ձախլիկներն օժտված են հատուկ ունակություններով, սակայն հիմա գիտնականները եկել են այն եզրակացության, որ ձախլիկներն աչքի են ընկնում միայն մեծամասնությանը նման չլինելով:

1. Ձախլիկ երեխաներ ծնվում են հիմնականում ձախլիկ ծնողներից: Բավական է, որ ծնողներից մեկը լինի ձախլիկ, ու մեծ է հավանականությունը, որ երեխան կծնվի ձախլիկ:

2. Ձեր երեխան աջլի՞կ է, թե՞ ձախլիկ. սա կարող եք պարզել 1-2 տարեկանում: Եթե նկատեք, որ ձեր փոքրիկն ուտում, գրում, նկարում, խաղում է ձախ ձեռքով, ապա նա պատկանում է աշխարհի բնակչության 15 տոկոսին: Իհարկե, կան ձախլիկությունը պարզող այլ մեթոդներ, որոնց տիրապետում են բժիշկներն ու հոգեբանները:

 3. Բոլոր ձախլիկների մոտ լավ զարգացած է տեսողական-տարածական ընկալումը: Նրանք կարող են վարժ գրել ինչպես հորիզոնական, այնպես էլ ուղղահայաց ձևով: Նրանք կարող են կարդալ նաև ցանկացած դիրքով:

4. Ձախլիկները կարող են գրել հայելային ձևով. այնպես, որ մյուս մարդիկ դժվարությամբ կարդան: Նման գրվածքը կարելի է կարդալ հայելիով: Սակայն այս «ունակությունը» կարող է վերանալ, եթե մինչև երեխայի 10 տարեկանը այն չզարգացնեք:

 5. Ի դեպ, կան պարագաներ, որոնք ստեղծված են այնպես, որ հարմար լինեն ձախլիկներին. գրենական պիտույքներ, ստեղնաշար, երաժշտական գործիքներ:

 6. Մասնագետներն ասում են, որ ձախլիկ երեխաները շատ շուտ են հոգնում: Հենց այդ պատճառով նրանք 15-20 րոպե զբաղվելուց հետո պետք է մի փոքր հանգստանան:

   Նյութի աղբյուրը՝ www.impoqrik.am