lang->line('Categories'); ?>
lang->line('Categories'); ?>

"Զանգակ" հրատարակչությունը հայտնի է որպես ուսումնական գրականության, մասնավորապես դպրոցական դասագրքերի հրատարակմամբ զբաղվող ընկերություն: Այն տարածաշրջանի առաջատար դասագրքաստեղծ հաստատություններից մեկն է: "Զանգակը" հրատարակում է նաև մանկական, գեղարվեստական գրքեր, բառարաններ, քարտեզներ, գիտական ամսագրեր և այլն:

Ալիսը հրաշքների աշխարհում

Զանգակ

2600Դր.

Հեղինակ` Քերոլ Լուիս
Թարգմանությունը` Սոնա Սեֆերյանի
Չափածոյի թարգմանությունը` Սամվել Մկրտչյանի
Էջեր` 168
Կազմ` փափուկ
Չափեր` 13.5x20 սմ
Լեզու` արևելահայերեն
Հրատարակված է` 2021

     Լուիս Քերոլի «Ալիսը հրաշքների աշխարհում» վիպակը վիկտորյան մանկագրության ամենահայտնի հրաշապատում երկն է: Պատմության հերոսուհին` Ալիսը, ողջամիտ ու հետաքրքրասեր աղջնակ է, որ հեղինակի «կամքով» հայտնվում է զարմանալի անրջային մի աշխարհում` խոսող գազանների ու փետրավորների, շնչավորված թղթե զինվորիկների ստորգետնյա թագավորությունում: Այստեղ ամեն ինչ սովորականից տարբեր է, արտառոց. հերոսուհուն ծանոթ խաղերի կանոններն անգամ գլխիվայր են շրջված: Ալիսը պատրաստակամորեն ենթարկվում է մի շարք կերպարանափոխությունների, որպեսզի ի վերջո կատարվի իր նվիրական ցանկությունը` հայտնվի երազային աշխարհի սքանչելի պարտեզում: Լուիս Քերոլի անմոռանալի վիպակը միաժամանակ հեքիաթ է և խաղ. պատմության հերոսներից շատերը խաղաթղթեր են: Մինչ պատմության թղթեղեն հերոսները վարում են իրենց արտառոց, բայց որոշակի կանոններով ընթացող խաղը, Քերոլ հեղինակը հետևում է նրանց վիպական ժամանցին` անձամբ տրվելով զանազան բառախաղերի: Խաղի գլխավոր կանոնը տրամաբանության բացարձակ հերքումն է, լեզվական արկածախնդրությունը:

Տեսանելի մաթեմատիկա 2

Զանգակ

1000Դր.

Հեղինակ` Սոկրատ Մկրտչյան
Էջեր` 64
Կազմ` փափուկ
Չափեր` 17x24 սմ
Լեզու` արևելահայերեն
Հրատարակված է` 2021

     Ձեռնարկը նախատեսված է երկրորդ դասարանում սովորող, ինչպես նաև 7 տարեկանից մեծ ցան­կացած երեխայի համար: Այն ներառում է պարապմունքներ, որոնք համարակալմամբ հա­մա­պա­տաս­խանում են մաթեմատիկայի երկրորդ դասարանի դասագրքի դասերին։

Քաչալ ոզնին

Զանգակ

2800Դր.

Հեղինակ` Նունե Սարգսյան
Նկարազարդումները` Ռուբեն Գրիգորյանի
Էջեր` 24
Կազմ`կոշտ
Չափեր` 24x19.8սմ
Լեզու` արևելահայերեն
Հրատարակված է` 2021

     Փոքրիկ ոզնու ծնունդը երջանիկ իրադարձություն է ընտանիքում, բայց մայրիկն ու հայրիկը շատ զարմացած են ու տխուր. ախր փափլիկ նորածինը ոչ մի փուշ չունի: Տատիկ ոզնին փաթաթում է ձագուկին տերևներով ու գնում բժիշկ Փորսուղի մոտ՝ պարզելու առեղծվածը:

Բնության և գիտության առեղծվածները: Մանկական գիտադարան

Զանգակ

7400Դր.

«Մանկական գիտադարան» մատենաշարի այս գիրքը նախատեսված է միջին տարիքի դպրոցականների համար։ Շրջակա աշխարհը՝ իրերը, երևույթները, շնչավոր ու անշունչ առարկաները... ամե՜ն–ամեն ինչը, որ մեկ բառով կոչվում է բնություն, կարող է զարմացնել ու հիացնել ձեզ: Բնության առեղծվածների մասին դուք կարող եք տեղեկանալ գրքի առաջին մասում: Իսկ երկրորդ մասը ձեզ համար կբացահայտի գիտության առեղծվածները` ատոմի կառուցվածքից մինչև նանոտեխնոլոգիաներ... Նաև կիմանաք հայտնի գիտնականների գյուտերի ու հայտնագործությունների մասին, և գուցե հենց ձեզ է վիճակված ապագայում շարունակելու նրանց գործը:

Թոմ Գեյթսի սքանչափայլ աշխարհը

Զանգակ

2900Դր.

Հեղինակ` Լիզ Փիշըն
Թարգմանությունը` Արթուր Մեսրոպյանի
Նկարազարդումները` Լիզ Փիշընի
Էջեր` 256
Կազմ` փափուկ
Չափեր` 15x19 սմ
Լեզու` արևելահայերեն
Հրատարակված է` 2021

     Թոմ Գեյթսը` հնարամիտ ու չարաճճի դպրոցականը, ցանկանում է տոմսեր ձեռք բերել իր սիրած խմբի համերգին ներկա լինելու համար: Բայց ուղղակի պատմելու բան չէ, թե ինչ փորձանքներ է բերում իր գլխին մինչև համերգին հասնելը: Գիրքը լի է բազմապիսի ձեռագիր խզբզոցներով ու ծաղրանկարներով, որոնց միջոցով Թոմը ներկայացնում է իր չարաճճի առօրյան ու իրեն շրջապատող մարդկանց։

Էմիլը Լյոնեբերգայից

Զանգակ

2000Դր.

Հեղինակ` Աստրիդ Լինդգրեն 
Թարգմանությունը` Աշխեն Բախչինյանի 
Էջեր` 112 
Կազմ` փափուկ 
Չափեր` 12.5x20 սմ 
Լեզու` արևելահայերեն 
Հրատարակված է` 2015 

     Ա՛յ հիմա, երբ դու արդեն պատրաստ ես ծանոթանալու Լյոնեբերգացի Էմիլին, երևի քեզ կհետաքրքրի այն փաստը, որ Սմոլանդ գավառի Վիմերբի փոքրիկ գավառական քաղաքում, որտեղ Էմիլը, բնականաբար, հայտնի էր դարձել իր «հերոսություններով», 1907-ի նոյեմբերի 14-ին ծնվել է Աստրիդ Աննա Էմիլիա Էրիկսոնը, ով նույն ինքը՝ շվեդ հռչակավոր մանկագիր Աստրիդ Լինդգրենն է։
     Փոքրիկ տղայի մասին երեք վիպակներում էլ մանկագիրը մեծ սիրով ու գորովանքով է նկարագրում իրեն անչափ հարազատ շվեդական բնությունն ու մարդկանց, ավանդական տոներն ու զվարճությունները, կենցաղը, համեղագույն կերակուրները, առասպելներն ու սովորույթները: Դրանց կարող ես ծանոթանալ նաև դու՝ հետևելով Էմիլի անկարգություններին ու հնարամտություններին։

Լյոնեբերգացի Էմիլի նոր չարաճճիությունները

Զանգակ

2200Դր.

Հեղինակ` Աստրիդ Լինդգրեն
Թարգմանությունը` Աշխեն Բախչինյանի
Էջեր` 136
Կազմ` փափուկ
Չափեր` 13.5x20 սմ
Լեզու` արևելահայերեն
Հրատարակված է` 2021

     Շվեդ մանկագիրն այս գրքում շարունակում է Էմիլի մայրիկի օրագրի էջերը՝ մեզ պատմելով լյոնեբերգացի փոքրիկի նոր չարաճճիությունների մասին: Լյոնեբերգացի Էմիլի մասին պատմող երկրորդ վիպակում տոնական առատ սեղանների պակաս չկա: Իսկ ընկնող գիսաստղի նման դրանց «վրա» հայտնվող Էմիլը ոչ միայն հարուցում է մեծերի ծիծաղը, սարսափն ու հարգանքը, այլև հաջողեցնում է կուշտ կերակրել անկելանոցի բոլոր սոված տատիկներին և պապիկներին՝ դաս տալով իշխանավոր Շեֆուհուն: Այժմ արդեն ոչ միայն Էմիլի մայրիկը, այլև մենք գիտենք, թե որքա՜ն բարի սիրտ ունի ոսկեգույն գանգուրներով ու կապույտ աչքերով այդ տղան:

Կեցցե՛ Լյոնեբերգացի Էմիլը

Զանգակ

2400Դր.

 Հեղինակ` Աստրիդ Լինդգրեն 

Թարգմանությունը շվեդերենից` Աշխեն Բախչինյանի
Էջեր` 192
Կազմ` փափուկ
Չափեր` 12.5x20 սմ
Լեզու` արևելահայերեն
Հրատարակված է` 2016

Մեր սիրելի հերոսների շարքում արդեն հայտնված այս չարաճճի տղան, որն ապրում էր Սմոլանդ գավառի Լյոնեբերգա քաղաքի Քաթհուլտ ագարակում իր հոր՝ Անտոն Սվենսոնի, մոր՝ Ալմա Սվենսոնի և իր կրտսեր քույրիկ Իդայի հետ, սկսում է դպրոց հաճախել։ Նրանց սպասուհի Լինայի կարծիքով Էմիլին երկնքում տեղ կտան միայն այն դեպքում, եթե կայծակ անելու համար հանկարծ օգնության կարիք ունենան։
Այս վիպակում Էմիլը մի քանի խելացնոր գործարքներ է կնքում Բաքհորվայի աճուրդում, հազար երկու հարյուր խեցգետին բռնում, իր վարժեցրած խոզուկի հետ հայտնվում է հարբեցողության դեմ պայքարի կենտրոնում, Սուրբ Գրքի քննության օրը հայրիկին պատահաբար փակում Թրիսեի տնակում, իսկ վիպակի վերջում մի այնպիսի հերոսություն անում հանուն իր սիրելի ընկերոջ, որ Լինան և բոլոր լյոնեբերգացիները փոխում են իրենց կարծիքը։

Խորհրդավոր պարտեզը

Զանգակ

2900Դր.

Հեղինակ` Ֆրենսիս Հոջսոն Բրնեթ
Թարգմանությունն անգլերենից` Ալվարդ Ջիվանյանի
Նկարազարդումը` Չարլզ Ռոբինսոնի
Էջեր` 336
Կազմ` փափուկ
Չափեր` 13.5x20 սմ
Լեզու` արևելահայերեն
Հրատարակված է` 2021

     Մերի Լենոքսը՝ հիվանդոտ, քմահաճ ու կամակոր մի աղջնակ, համաճարակին զոհ գնացած ծնողների մահից հետո Բրիտանական Հնդկաստանից վերադառնում է Անգլիա և բնակվում առեղծվածներով լի յորքշիրյան մռայլ ու տարօրինակ մի կալվածքում: Աղախինը նրան հայտնում է, որ հսկա կալվածքի պարտեզներից մեկը կողպված է, իսկ բանալին թաղված է հողի տակ: Համառ ու հետաքրքրասեր աղջիկը որոշում է ամեն գնով գտնել «աներևույթ» պարտեզի բանալին: Այսպես սկսվում են Մերիի, նրա զարմիկի` Քոլինի և Դիքոն անունով գեղջուկ տղայի զարմանալի արկածները: Ֆ. Հ. Բրնեթի վեպը բնության և երեխաների անժխտելի, խորհրդավոր ներդաշնակության, ոգեղեն զարթոնքի մասին պատմող գողտրիկ ու սքանչելի մի պատմություն է, վիկտորյան մանկագրության լավագույն նմուշներից:

Արջը և դաշնամուրը

Զանգակ

3600Դր.

Հեղինակ` Դեյվիդ Լիչֆիլդ
Թարգմանությունն անգլերենից` Ալվարդ Ջիվանյանի
Նկարազարդումները` Դեյվիդ Լիչֆիլդ
Էջեր` 36
Կազմ` կոշտ
Չափեր` 22.5x30.5 սմ
Լեզու` արևելահայերեն
Հրատարակված է` 2017

     Մի օր արջի մի քոթոթ տարօրինակ մի իր է գտնում անտառում: Նա դիպչում է դաշնամուրի ստեղներին, և սկսվում է զարմանալի մի ուղևորություն...
     Թողնելով հայրենի տունը` Արջը հայտնվում է անծանոթ հրաշալի մի վայրում, որտեղ օդը լի է երաժշտության գեղեցիկ հնչյուններով, իսկ փառքն ու հարստությունը պատրաստ սպասում են նրան: Քաղաքը հենց այնպիսին էր, ինչպիսին Արջը պատկերացնում էր: Բայց սրտի խորքում ինչ–որ բան հանգիստ չէր տալիս նրան…
     Այս հուզիչ պատմությունը տանում է մեզ այնտեղ, որտեղ երազանքները միայն կարող են մեզ տանել` ցույց տալով նրանց, ովքեր միշտ սպասում են մեզ:

Արջն ու դաշնամուրը, շունն ու ջութակը

Զանգակ

3600Դր.

Հեղինակ` Դեյվիդ Լիչֆիլդ
Թարգմանությունն անգլերենից` Ալվարդ Ջիվանյանի
Նկարազարդումները` Դեյվիդ Լիչֆիլդ
Էջեր` 36
Կազմ` կոշտ
Չափեր` 22.5x30.5 սմ
Լեզու` արևելահայերեն
Հրատարակված է` 2021

     Ջութակահար Հեկտորն ու նրա շունը` Հյուգոն, մտերիմ ընկերներ են: Բայց երբ Հեկտորին թոշակի են ուղարկում, Հյուգոն ինքն է ջութակ նվագել սովորում: Շուտով նշանավոր երաժիշտ Արջը առաջարկում է նրան շրջագայել ու նվագել հազարավոր մարդկանց առաջ: Հյուգոն վաղուց էր երազում նման հնարավորության մասին: Կկարողանա՞ Հեկտորը մի կողմ դնել իր հպարտությունը և ուրախանալ Հյուգոյի համար… «Արջն ու դաշնամուրը» հանրահայտ գրքին հաջորդող այս անկեղծ պատմությունը սովորեցնում է, որ լավ ու վատ օրերն անցնում են, բայց ընկերությունը հարատև է:

Փադինգթոն անունով արջուկը

Զանգակ

2500Դր.

Հեղինակ` Մայքլ Բոնդ
Թարգմանությունը` Լուսինե Հայրապետյանի
Նկարազարդումները` Փեգի Ֆորթնումի
Էջեր` 144
Կազմ` փափուկ
Չափեր` 13.5x20 սմ
Լեզու` արևելահայերեն
Հրատարակված է` 2021

     Փադինգթոն արջուկը, օվկիանոսը հատելով, հեռավոր Պերո­ւից հասնում է Անգլիա` Լոնդոն: Այստեղ նա հանդիպում է տեր և տիկին Բրաուններին և շուտով դառնում այս հրաշալի ընտանիքի լիիրավ անդամը: Մեծ քաղաքում Փադինգթոնին սպասում են անհամար նորույթներ, հետաքրքիր ու անհավանական արկածներ:

Այսպիսին է Գոգենը

Զանգակ

3600Դր.

Հեղինակ` Ջորջ Ռոդըմ
Թարգմանությունն անգլերենից` Լուսինե Հայրապետյանի
Նկարազարդումները` Սլավա Հարասիմովիչի
Էջեր` 80
Կազմ`կոշտ
Չափեր` 17,5x22,8 սմ
Լեզու` արևելահայերեն
Հրատարակված է` 2019

     «Այսպիսին է Գոգենը» գիրքը ժամանակագրորեն ներկայացնում է պոստիմպրեսիոնիզմի հիմնադիրներից մեկի՝ Պոլ Գոգենի կյանքը, նրա ստեղծագործություններն ու հայացքները: Աշխատանքային գործունեությունը սկսելով որպես բորսայի աշխատող՝ Գոգենը տարվում է ժամանակի նկարչության նոր ալիքով՝ իմպրեսիոնիզմով: Տասնամյակներ շարունակ ունենալով անհաջողություններ՝ Գոգենը համառորեն շարունակում է ուսումնասիրել գույներն ու ձևերը. պրպտումները նրան մեկ տանում են Բրետան, մեկ՝ Ֆրանսիայի հարավ՝ Առլ, մեկ էլ՝ հասցնում Խաղաղ օվկիանոսի հեռավոր ափերը՝ Թահիթի, Մարքեզյան կղզիներ: Գոգենն ամբողջ կյանքում ձգտում էր հասնելու ձևի ու գույների ամենապարզ ու հիմքային շերտերին և դառնալու «վայրի», բնական մարդ։ Նրա վերջին շրջանի քանդակները պրիմիտիվիզմի հոսանքի ակունքներից են, իսկ նրա ողջ արվեստը՝ մոդեռնիզմի հիմնասյուներից մեկը:

Այսպիսին է Դալին

Զանգակ

3600Դր.

Հեղինակ` Քեթրին Ինգրամ
Թարգմանությունն անգլերենից` Լուսինե Հայրապետյանի
Նկարազարդումները` Էնդրյու Ռեյի
Էջեր` 80
Կազմ`կոշտ
Չափեր` 17,5x22,8 սմ
Լեզու` արևելահայերեն
Հրատարակված է` 2020

     Իսպանիայի ծովափնյա Կադակես քաղաքի գրոտեսկային ժայռերը, իրականի ու վերիրականի սահմանը տեղ−տեղ միախառնող կամ առանձնացնող լազուր ծովը և Տրամոնտանա քամուց գրգռված պրպտուն միտքը, միջերկրածովյան համեղ արևի հետ եփվելով ֆրոյդյան երազների մեկնության ջեռոցում, մի պայթյունավտանգ կերպար ստեղծեցին՝ քսաներորդ դարի գեղանկարչությունն ուղենշող նկարչին՝ Սալվադոր Դալիին: Գրքում հետաքրքիր ու ապշեցնող մանրամասներով ներկայացված է այս եսակենտրոն, էքսցենտրիկ, պարանոյիկ−քննադատական մեթոդով արվեստի սահմաններն անվերջ փոխակերպող ու գործնականում ոչ մի նորմի չենթարկվող, անսանձ Մանուկ Արքայի ստեղծագործական ապշեցուցիչ ուղին, ում տարերքը վերջնական կերպ հաղորդեց սյուրռեալիզմին, և որը հայտարարեց ի վերջո. «Սյուրռեալիզմը ես եմ»:

Այսպիսին է Մատիսը

Զանգակ

3600Դր.

Հեղինակ` Քեթրին Ինգրամ
Թարգմանությունն անգլերենից` Լուսինե Հայրապետյանի
Նկարազարդումները` Անյես Դեկուղշելի
Էջեր` 80
Կազմ`կոշտ
Չափեր` 17,5x22,8 սմ
Լեզու` արևելահայերեն
Հրատարակված է` 2016

     Գիրքը ներկայացնում է Անրի Մատիսի կենսագրությունն ու ինքնազարգացման փուլերով հարուստ ստեղծագործական ուղին՝ բացահայտելով նաև վարպետի կյանքի՝ հանրությանը ոչ շատ հայտնի դրվագները: Նրա աշխարհահռչակ նկարների վերարտադրություններն ուղեկցվում են մասնագիտական վերլուծությամբ:

lang->line('Categories'); ?>
Պատվիրել զանգ Համարն ուղարկվեց